Policia ka shpallur në kërkim 9 persona, në lidhje me dhunën dhe hedhjen e molotovit në protestën e zhvilluar nga opozita më 7 tetor.
ABC News mëson se një prej të shpallurve në kërkim, është Hivzi Bushati, i cili më herët ka qenë qënë komandant i FNSH në Shkodër.
Nga dhuna, flakët dhe molotovët mbetën të plagosur 10 policë dhe dy protestues, që u dërguan në spital. Protesta nisi duke hedhur molotov te kryeministria dhe vijoi më pas duke shkatërruar gjithçka që u dilte para. E kryesuar nga Bardhi dhe Noka, protestuesit shkaktuan shumë dëme.
Pasi qëndruan për disa minuta te ministria e Brendshme, ata u zhvendosën drejt Bashkisë së Tiranës ku hodhën dhe atje bomba molotovë dhe u përplasën me policinë.
Më pas protestuesit marshuan drejt godinës së parlamentit. Gjatë gjithë rrugës dogjën stacione autobusësh, kazane mbeturinash dhe thyen xhamat e reklamave./abcnews.al
