Pas sfidave të shtatorit, “Helvetët” e Zvicrës do të luajnë dy sfidat mjaft interesante këtë muaj të vlefshme për Nations League, ku më datë 12 tetor do të përballen në Beograd me Serbinë, ndërsa 3 ditë më vonë do të presin në shtëpi Danimarkën.
Në kuadër të këtyre dy sfidave tekniku Murat Yakin ka publikuar këtë të premte edhe listën e lojtarëve të grumbulluar për këto sfida mjat të vështira, ku nuk kishte si të mungonte edhe emri i Granit Xhakës, me këtë të fundit që është auluduar shumë për një mungesë në përballjet e tetorit, shkak këtu edhe sfida në Serbi.
Megjithatë ishte vetë strategu i “Helvetëve”, i cili gjatë konferencës për shtyp pas publikimit të listës përjashtoi çdo mundësi të mospërfshirjes mesfushorin shqiptar.
“As që e kemi menduar të mos e marrim Granitin me vete në Serbi. Natyrisht se është një ndeshje emocionale, por s’kemi pse i hapim gjithmonë rrëfimet e vjetra”,- u shpreh tekniku turk, duke rikonfirmuar kështu rëndësinë e Xhakës për ekipin dhe qasjen profesionale ndaj një ndeshjeje me ngarkesë të madhe emocionale. /i.m /abcnews.al
