Një 33-vjeçar ka përfunduar në prangat e policisë së Lushnjes. Mësohet se ai ka vjedhur një shumë parash dhe një DVR në një karburantë.
Si pasojë, blutë kanë bërë të mundur arrestimin e tij në flagrancë.
Njoftimi i Policisë:
Vodhi një shumë parash dhe një DVR, në një karburant, identifikohet dhe arrestohet 33-vjeçari.
Sekuestrohen shuma e parave dhe DVR-ja.
Komisariati i Policisë Lushnjë, pas marrjes së njoftimit se në në një karburant, një shtetas kishte vjedhur një shumë parash dhe një pajisje DVR, menjëherë kanë organizuar punën për identifikimin dhe kapjen e tij. Si rezultat i informacioneve të siguruara nga inteligjenca policore dhe i punës së shpejtë hetimore, u bë i mundur identifikimi, kapja dhe arrestimi në flagrancë i shtetasit:
33 vjeç, banues në Lushnjë.
Nga veprimet hetimore dyshohet se 33-vjeçari, në orët e para të mëngjesit të datës 26.09.2024, ka vjedhur në një karburant në Lushnjë, një shumë parash dhe një DVR, të cilat u gjetën dhe u sekuestruan në cilësinë e provës materiale.
Materialet procedurale i kaluan Prokurorisë, për veprime të mëtejshme./abcnews.al
