Kryeministri britanik, Keir Starmer i bëri thirrje nga foltorja e Asamblesë së Përgjithshme të Kombeve të Bashkuara Izraelit dhe lëvizjes libaneze Hezbollah për një marrëveshje armëpushimi, siç kërkohet nga fuqitë e mëdha, të ulin armët dhe të zgjedhin një rrugë diplomatike.
“I bëj thirrje Izraelit dhe Hezbollahut që të ndalojnë dhunën, të largohen nga humnera. Ne duhet të kemi një armëpushim të menjëhershëm për të lejuar hapësirë për një zgjidhje diplomatike”, tha lideri laburist në fjalimin e tij të parë madhor në Asamblenë e Përgjithshme të OKB-së në Nju Jork.
/abcnews.al
