Është tuneu i dytë në Evropë për nga rëndësia sa i përket futbollit të klubeve, por kjo nuk do të thotë se nuk do të jetë spektakolar.
Mbrëmjen e kësaj të mërkure ka nisur zyrtarisht edicioni më i ri i UEFA Europa League, ku ashtu si në elitën e Champions çdo gjë ka ndryshuar, teksa tashmë bëjnë pjesë 36 skuadra dhe do të garojnë me të njëjtin model si në elitën e kampionëve.
Dy sfidat e para ishin totalisht spektakolare, teksa në total u shënuan 10 gola, si dhe nuk munguan as surprizat.
Kështu, në “AFAS Stadion”, holandezët e AZ Alkmaar kanë mundur me rezultatin e ngushtë, 3-2 suedezët e Elfsborg, pavarësisht se këta të fundit morën të parët avantazhin që në minutën e 23’-të me Ouma, mirëpo gjithçka u përmbys shpejt nga “tulipanët” falë dopietës së Van Bommel.
Rezultati do të barazohej sërish në minutën e 53’-të, nga Hedlund, mirëpo fitoren e madhe në ndeshjen e udhëhequr nga Juxhin Xhaja do ta vendoste “bomberi” irlandez, Troy Parrot falë një 11-metërshi.
Në krahun tjetër, “Dragonjtë” e Porto kanë zhgënjyer totalisht në sfidën hapëse, në transfertën norvegjeze të Bodo/Glimt ku janë mundur me shifrat 3-2.
Fitoren e vendasve e siguroi “fantazisti” Jens Hauge me dopietën e tij në minutën e 40’ e 62’, gola që iu shtuan rrjetës së Hogh të regjistruar në minutën e 15’-të, ndërsa për “luzitanët” nuk mjaftuan rrjetat e Omorodion e Gul, duke e nisur me “këmbën e gabuar” këtë sezon të UEFA Europa League. /i.m /abcnews.al
