Nuk kishte si të mos shpallej lojtari i muajit, sidomos pasi shënoi 7 gola, në vetëm 3 ndeshje.
“Vikingu” i Manchester City, Erling Haaland është shpallur mesditën e kësaj të premteje, lojtari më i mirë i muajit gusht në Premier League, duke lënë pas një sërë emrash të mëdhenj, si Mohamed Salah e Bukayo Saka, si dhe “yje” të momentitn, Cole Palmer, Amadou Onana, Danny Welbeck e David Raya.
Siç theksuam edhe më sipër, “bomberi” norvegjezi arriti të shënojë plot 7 gola, në tre sfidat e para të kampionatit, teksa realizoi dy “tre golësha”, ndaj Ispwich Toën e West Ham, si dhe shënoi një prej golave në fitoren 2-0, të Manchester City ndaj “Bluve” të Chelsea.
Mirëpo, jo vetëm kaq, pasi “makineria e golave”, të “Qytetarëve” arriti gjithashtu të vendos një tjetër rekord, në Angli, duke u bërë i pari lojtar që shënon dy “tre golësha”, në tre ndeshjet e para të kampionatit, gjë të cilën më herët e kishte bërë Paul Jewell, në sezonin 1994/1995. /i.m /abcnews.al
Njoftimi i Premier League:
Picking up his third @EASPORTSFC Player of the Month award…
? Erling Haaland ? #PLAwards | @ManCity pic.twitter.com/WjM8j9FdUd
— Premier League (@premierleague) September 13, 2024
