TIRANË– Kjo fundjavë do jetë një fundjavë tipike vjeshte. Reshjet dhe shtrëngatat e shiut do të jenë prezente pothuajse gjatë gjithë kohës, ndërsa temperaturat e ajrit do të pësojnë rënie.
Meteorologia Lajda Porja, thekson se kjo e premte do karakterizohet me reshje shiu të vazhdueshme. Po ashtu edhe fundjava do ketë prezencën reshjesh, kurse e diela do t’i ketë më të pakta.
“Një fundjavë tipike vjeshte në këtë fundjavë. Reshjet kanë filluar që pas mesnatë dhe sot kanë përfshirë të gjithë territorin shqiptar. Parashikohet që dita e sotme të jetë me rrebeshe shiu gjatë gjithë ditës, herë pas here do shoqërohen me stuhi të forta ere, në fakt do kemi dhe rrezikshmëri për përmbytje lokale, kryesisht në zonat veriperëndimore dhe isa zona të ultësirës perëndimore. E shtuna dhe e diela me vranësira dhe rrebeshe shiu, ku të shtunën kemi rrebeshe të herëpashershme, kurse e diela, edhe pse do t’i ketë prezente reshjet, do t’i ketë në sasi të pakta.”, tha ajo./abcnews.al
