Bie në kontakt me energjinë elektrike teksa po riparonte linjën e internetit, vdes i riu në Klos

Një ngjarje e rëndë ka ndodhur në Klos, ku një i ri ka humbur jetën pasi ka rënë në kontakt me energjinë elektrike. Sipas policisë, ngjarja ka ndodhur rreth orës 11:40, në fshatin Fshat.

22 vjeçari ka qenë duke punuar me linjën kabllore të internetit, ku dyshohet se aksidentalisht ka rënë në kontakt me energjinë elektrike dhe për pasojë ka humbur jetën.

Grupi hetimor ndodhet në vendngjarje dhe në drejtimin e Prokurorit, vijon punën për përcaktimin e saktë të shkakut të humbjes së jetës./abcnews.al