Një tjetër shkollë e rindërtuar do të hapë dyert për nxënësit këtë vit. Bëhet fjalë për shkollën e mesme artistike “Onufri”, në Elbasan.
Kryeministri Edi Rama ka ndarë në facebook, pamje nga strukturimi i shkollës ndërsa shprehet se ky është një tjetër investim i bërë nga Ministria e Arsimit dhe Bashkia Elbasanit, me standarde tërësisht europiane.
“MIRË MËNGJES dhe me shkollën e mesme artistike “Onufri” në Elbasan, një tjetër investim i Ministrisë së Arsimit dhe Sportit dhe Bashkisë Elbasan, e rindërtuar me standarde europiane, me klasa të reja, laboratorë shkencorë, palestër dhe sallë koncertesh për 340 nxënës-artistë, ju uroj një ditë të mbarë”, shkruan kryeministri Rama në postimin e tij në Facebook.
/abcnews.al/
