Kosova nuk do të jetë vetëm sonte në Çeki. Tifozët e saj, Dardanët, do të mbështesin beniaminët e tyre në stadium dhe presin një rezultat pozitiv, që do t’i afronte me kualifikimin në Euro 2020. Ndërkohë, nëpër rrugët e Çekisë spektakli ka nisur prej kohësh.
Milot Rashica, një prej lojtarëve më të mirë të Kosovës, tashmë e ka një këngë që ia këndojnë fansat. Një “remake” i këngës “Zemër”, që këndohet nga Dhurata Dora dhe Solking. Videoja e tifozëve që këndojnë po bën xhiron e internetit dhe komentet për të kanë qenë të shumta. /abcnews.al
