Të paktën 29 persona u vranë dhe rreth 50 u plagosën në të gjithë Ukrainën pasi Rusia lëshoi një breshëri raketash kundër Kievit dhe qyteteve të tjera të Ukrainës.
Sulmi rus në kryeqytetin ukrainas sot është një nga më të këqijtë në dy vitet e luftës, tha kryetari i bashkisë së Kievit, Vitali Klitschko.
Presidenti Volodymyr Zelensky tha se forcat ruse lëshuan më shumë se 40 raketa duke synuar zona të ndryshme dhe duke shkaktuar dëme në infrastrukturë, ndërtesa tregtare dhe shtëpi në qytete të ndryshme të Ukrainës.
Autoritetet në qytetin e Kievit thanë se të paktën 7 persona u vranë dhe 25 u plagosën në sulmin në kryeqytetin ukrainas. Sipas Zelensky, ka njerëz të bllokuar nën rrënojat e një spitali për fëmijë në Kiev, i cili u dëmtua nga sulmet e sotme ruse.
Në Kriviy Rih, vendlindja e Zelenskiy, 10 persona u vranë dhe 31 u plagosën, tha kryebashkiaku Oleksandr Vilkul. Tre persona të tjerë u vranë në Pokrovsk, në Ukrainën lindore, kur raketat goditën një objekt industrial, sipas guvernatorit të qytetit.
Rusia ka mohuar vazhdimisht se ka shënjestruar civilët.
Kryetari i bashkisë së Kievit, Vitali Klitschko tha se sulmi në kryeqytet është një nga më të këqijtë që nga pushtimi rus në shkurt 2022. Ai shtoi se spitali kryesor i fëmijëve në qytet u dëmtua nga sulmi.
Prindërit që mbanin në krahë foshnjat dolën në rrugë të tronditur dhe duke qarë.
/abcnews.al
