Rebelët Houthi të Jemenit njoftuan të hënën se kishin nisur sulmet kundër katër anijeve të “interesave të SHBA, Britanisë dhe Izraelit”.
Zëdhënësi i tyre Yahya Sharia tha se sulmi i parë përfshinte “anijen izraelite MSC Unific” që lundronte në Detin Arabik, duke pretenduar se ishte goditur nga raketa lundrimi.
Ai pasoi një sulm me raketa ndaj “cisternës amerikane të naftës Delonix në Detin e Kuq”, për herë të dytë në javën e kaluar, tha zëdhënësi Houthi në një konferencë televizive të transmetuar nga rrjeti Al Masirah.
Në të njëjtin përditësim, Yahya Sharia pretendoi se raketat e lundrimit goditën “cisternën britanike Anvil Point në Oqeanin Indian”.
“Sulmi i katërt u krye me raketa lundrimi kundër anijes Lucky Sailor në Detin Mesdhe”, përfundoi zëdhënësi.
Që nga nëntori i kaluar, rebelët jemenas të lidhur me Iranin kanë lëshuar shpesh sulme me raketa dhe drone kundër anijeve tregtare. Ata deklarojnë vendosmërinë e tyre për të vazhduar sulmet e tyre derisa të pushojnë operacionet ushtarake të Izraelit në Rripin e Gazës, ndërsa shprehin solidaritetin e tyre me popullin palestinez./abcnews.al
