Dy automjete janë përplasur me njëra -tjetrën në farësi të lagjes Kordhocë, në Lazarat. Njëri prej automjeteve ishte i policisë me të cilin po udhëtonin dy efektivë.
ABC News mëson se nga përplasja e dy automjeteve mbetën të lënduar tre persona, më konkretisht 2 drejtuesit e automjeteve dhe 1 pasagjerë (punonjës policie).
Grupi hetimore pritet të japë informacion në lidhje me shkaqet e këtij aksidentit.
“Rreth orës 15:40, në aksin rrugor “Gjirokastër-Kakavijë”, në vendin e quajtur Kordhocë, janë përfshirë në aksident rrugor automjeti i policisë me drejtues oficerin e policisë me një automjet tjetër.
Nga aksidenti janë dëmtuar 2 drejtuesit e automjeteve dhe 1 pasagjerë (punonjës policie), të cilët ndodhen në spital, për ndihmë mjekësore, jashtë rrezikut për jetën.
Grupi hetimor ndodhet në vendngjarje dhe po punon për sqarimin e plotë të rrethanave të aksidentit”, thuhet në njoftimin e policisë.
/abcnews.al
