Zëvendësministri i Jashtëm rus Sergei Ryabkov deklaroi se nëse Perëndimi nënvlerëson vendosmërinë e Moskës, kjo mund të çojë në pasoja “tragjike dhe fatale”, sepse Shtetet e Bashkuara dhe aleatët e saj janë përballur me një fuqi të madhe bërthamore.
Ryabkov tha se Perëndimi nënvlerësoi “gatishmërinë e Rusisë për të mbrojtur veten dhe për të siguruar interesat e saj në çdo situatë“.
“Unë as nuk dua të supozoj se ky nënvlerësim mund të bëhet tragjik dhe fatal”, u shpreh ai, duke shtuar se Perëndimi kishte zgjedhur të përballej me një fuqi të madhe bërthamore.
“Ka disa mënyra për t’iu përgjigjur kësaj retorike dhe praktike. Ne kemi burimet për t’i përcjellë mesazhe Perëndimit në fushën e parandalimit bërthamor, edhe në mungesë të vullnetit të kundërshtarëve tanë për t’u përfshirë në dialog të matur. Por ekziston rreziku, i cili nuk mund të nënvlerësohet, që pala e tyre të gabojë. Ne do të përpiqemi të mos e bëjmë këtë”./abcnews.al
