Një 43-vjeçar është arrestuar në Peqin, në kuadër të operacionit policor të koduar “Katërkëndëshi”.
Imer Manahasa u arrestua në flagrancë në banesën e tij, të cilën e kishte ndërtuar pa leje.
Në banesë, policia zbuloi armë zjarri pistoletë, armë gjuetie, armë sportive, municion luftarak, predhë, thikë, kokainë dhe 2 targa automjeti false.
43-vjeçari ishte anëtar i një krupi kriminal, i dyshuar për kryerjen e veprave të rënda penale, “Prodhimi dhe shitja e narkotikëve”, “Mbajtja pa leje dhe prodhimi i armëve, armëve shpërthyese dhe municionit”, “Prodhimi, mbajtja, blerja apo shitja pa leje e armëve të ftohta”, “Prodhimi dhe mbajtja pa leje e armëve të gjuetisë dhe sportive”, “Punësimi i paligjshëm”, “Ndërtimi i paligjshëm” dhe “Falsifikimi i vulave, i stampave ose formulareve”.
Gjithashtu, për këtë rast, u shoqëruan në ambientet e Policisë, disa shtetas të tjerë.
Operacioni ka çuar në pranga një 43 vjeçar, person i skeduar më herët nga Policia e Ebasanit. Policia, nga informacionet paraprake, ka organizuar operacionin. Fillimisht, ka pasur informacione se ky person kishte ndërtuar pa leje një objekt. Nga kontrolli, policia ka gjetur sasi muncioni luftarak. Mbi të do të rëndojnë të paktën 5 akuza. Është një person problematik. Policia e citon si një person i cili është i përfshirë në aktivitet kriminal, është pjesë e një grupi kriminal. Nëse bejme lidhje me familjarët e afërt, përmendim Seit Manahasa, i dyshuar si i përfshirë në vrasjen e Emiljano Ramazanit. Deri tani, në kuadrin e dyshimeve, mendohet se ai është pjesë e të njëjtit grup kriminal, ku humbi jetën Emiljano Ramazani. Detajet mbeten për t’u konfirmuar. Do jetë prokuroria e Elbasanit që do të zbardhë ngjarjen”, raportoi gazetarja e ABC News, Edisona Skënderi./abcnews.al
