Për të dytën ditë radhazi, rojet e plazhit urdhëruan notarët të dilnin nga uji në plazhin Melenara në bregun lindor të ishullit pasi një dron policie vuri re një peshkaqen rreth tre metra të gjatë në ujërat e cekët.
Ndalimi i larjes u shtri të dielën pasdite në plazhin fqinj Salinetas dhe pak më vonë në plazhin San Agustin në jug të ishullit.
Muajin e kaluar, turistëve dhe vendasve iu ndalua hyrja në det pasi një peshkaqen u pa në një plazh në ishullin Menorca.
Biologu Asier Furundarena beson se nuk ka arsye për alarm për shkak të shfaqjes së peshkaqenëve.
“Njerëzit duhet të respektojnë udhëzimet që marrin nga shpëtimtarët dhe policia lokale ose autoritetet e tjera të pranishme dhe të qëndrojnë të qetë sepse absolutisht asgjë nuk do t’u ndodhë. Ata gjithashtu duhet të shijojnë momentin sepse është një privilegj të shohësh specie si kjo që janë të rrezikuara në pjesë të tjera të botës dhe ata mund të kërkojnë strehim këtu”, tha ai./abcnews.al
