Presidenti amerikan, Joe Biden ka mbajtur një fjalim në përkujtimin kombëtar të SHBA-së në Normandi, së bashku me homologun francez, Emmanuel Macron.
Biden e nisi fjalën me një ritregim të shkatërrimit dhe të keqes së lëshuar në botë nga Hitleri dhe tregoi historitë e disa veteranëve në audiencë, shkruan Sky News.
“Secili prej tyre e dinte se probabiliteti i vdekjes ishte real, por ata e bënë atë gjithsesi,” tha ai.
Biden u lut që Amerika të mos harrojë kurrë rëndësinë e aleancave, duke përmendur NATO-n si “aleancën më të madhe ushtarake në historinë e botës”.
“Izolimi nuk ishte zgjidhja 80 vjet më parë dhe nuk është zgjidhja sot”, tha ai. Ne i dimë forcat e errëta kundër të cilave këta heronj luftuan 80 vjet më parë, ato nuk zbehen kurrë.
Ai shtoi: “Lufta midis diktaturës dhe lirisë është e pafund. Këtu në Evropë ne shohim një shembull të mprehtë. Ukraina është pushtuar nga një tiran i prirur për dominim. Mos bëni gabim, autokratët e botës po vëzhgojnë nga afër. Të dorëzohesh para ngacmuesve, të përkulesh para diktatorëve, është thjesht e paimagjinueshme. Nëse do ta bënim këtë, do të kishim harruar atë që ndodhi këtu në këto plazhe të shenjtëruara. Historia na thotë se liria nuk është falas: Nëse doni të dini çmimin e lirisë, ejani këtu në Normandi dhe shikoni”, deklaroi Biden./abcnews.al
