Sekretari i Jashtëm i Britanisë së Madhe, David Cameron ka mbërritur në Tiranë. Cameron u prit në Rinas nga ministri i Jashtëm, Igli Hasani, me të cilin do të zhvillojë më pas një takim.
Vetë ministri Hasani, përmes një postimi në rrjetet sociale, ka shprehur kënaqësinë për vizitën e Sekretarit Cameron në vendin tonë.
Sipas kryediplomatit shqiptar, ruajtja e unitetit euroatlantik është thelbësore, në dritën e kërcënimeve aktuale për sigurinë evropiane.
“Kënaqësi e madhe për të mirëpritur Sekretarin e Shtetit të Mbretërisë së Bashkuar për Çështjet e Jashtme, Komonuelthit dhe Zhvillimit Davi Cameron për në Tiranë. Ruajtja e unitetit euroatlantik është thelbësore, në dritën e kërcënimeve aktuale për sigurinë evropiane, duke përfshirë maksimizimin e mbështetjes për Ukrainën dhe adresimin e sfidave ndaj stabilitetit në Ballkanin Perëndimor’, shkruan Hasani në X.
Great pleasure to welcome the UK Secretary of State for Foreign, Commonwealth and Development Affairs @David_Cameron to Tirana.
Maintaining Euro-Atlantic unity is key, in light of current threats to European security, including through maximizing support to Ukraine and… pic.twitter.com/3PhK2wJgZV
— Igli Hasani (@IgliHasani) May 22, 2024
Sekretari Cameron do të zhvillojë gjithashtu takime me kryeministrin Edi Rama dhe presidentin Bajram Begaj.
Pak para nisjes për në Shqipëri, Cameron tha se partneriteti mes dy vendeve po jep rezultat në luftën kundër emigracionit të paligjshëm.
Ai pritet të njoftojë një plan mes dy qeverive për të luftuar krimin dhe korrupsionin./abcnews.al
