Grupet militante të mbështetura nga Irani, Hamasi, Houthis dhe Hezbollahu i kanë shprehur ngushëllime Teheranit për vdekjen e presidentit Ebrahim Raisi.
Raisi vdiq pas rrëzimit të helikopterit së bashku me ministrin e tij të Jashtëm Hossein Amir-Abdollahian të dielën në provincën e Azerbajxhanit Lindor, në veriperëndim të Iranit.
Disa orë pasi u konfirmua vdekja e tyre, zyrtari i lartë i Huthi Mohamed Ali Al-Houthi dërgoi ngushëllime.
“Ngushëllimet tona më të thella për popullin iranian dhe udhëheqjen iraniane,” tha ai. “Populli iranian do të vazhdojë të ketë liderë besnikë ndaj popullit të tij.
Presidenti i qeverisë së udhëhequr nga Houthis e Jemenit, Mahdi Al-Mashat, “i dërgoi një mesazh ngushëllimi Iranit pas vdekjes së Raisit.
Hamasi shprehu gjithashtu ngushëllimet e tij të sinqerta, simpatinë e thellë dhe solidaritetin për udhëheqësin suprem, për qeverinë iraniane dhe për popullin vëlla iranian.
“Ne kemi besim se Republika Islamike e Iranit do të jetë në gjendje, me ndihmën e Allahut, të kalojë pasojat e kësaj humbjeje të madhe, pasi populli i dashur iranian ka institucione të forta të afta për t’u marrë me këtë provë të rëndë,” tha Hamasi.
Hezbollahu me bazë në Liban e krahasoi Raisin me një “vëlla të madh”.
“Hezbollahu në Liban shpreh ngushëllimet e tij më të thella dhe ndjenjat e simpatisë për humbjen (liderit suprem të Iranit, zyrtarëve iranianë dhe popullit iranian)”, thuhet në një deklaratë të grupit.
“Ne e kemi njohur për një kohë të gjatë Eminencën e Tij, presidentin martir. Ai ishte për ne një vëlla i madh, një mbështetës i fortë dhe një mbrojtës i vendosur i çështjeve tona dhe çështjeve të kombit, veçanërisht i Jeruzalemit dhe Palestinës, dhe një mbrojtës i lëvizjeve të rezistencës.”
Hezbollahu, një nga forcat paraushtarake më të fuqishme në Lindjen e Mesme, është përplasur me Izraelin në përleshje thuajse ditore ndërkufitare që nga fillimi i luftës në Gaza.
Irani ka ofruar mbështetje ushtarake dhe ekonomike për Hamasin, Houthi dhe Hezbollahun.
/abcnews.al
