Në Maqedoninë e Veriut po mbahen zgjedhjet parlamentare dhe balotazhi për presidentin e vendit.
Gazetarja e ABC News, Linda Karadaku ndodhet në shkollën “Liria” në Tetovë, në qendrën 1977 ku aktualisht po votohet.
Kryetari i komisionit të këtij vendvotimi, Zylqyfli Salihi, ka thënë se deri më tani numri i votuesve është më i vogël se në fazën e parë, ndërkohë pritet që ky numër të rritet në orën 14-15:00.
Ai sakaq, ka theksuar se në fillim ka pasur një problem teknik pasi një aparat nuk punonte, por u zgjidh.
“Fillimisht kemi pasur probleme teknike në këtë vendvotim, pasi aparati nuk punonte, por që u zgjidh.
Deri më tani janë paraqitur 160 votues. Pjesëmarrja është shumë më e ulët se në fazën e parë. Në këtë moment vërehet një rritje dhe presim që të vijnë të tjerë.
Votuesit janë shqiptarë dhe maqedonas, nga të dyja palët.
Pas orës 14-15:00 vërehet numri më i madh të votuesve dhe presim të ndodh”, u shpreh Salihi./abcnews.al
