Veprimi i një eurodeputeti sllovak Miroslav Radacovksi ka shkaktuar reagime të shumta në seancën e Parlamentit Europian. Ai kishte marrë me vetë një pëllumb duke e lënë më pas të lirë të fluturojë gjatë fjalimit të tij.
?️ 'Europe needs peace': Miroslav Radacovsky, a member of the European Parliament for the 'Slovak Patriot' party, released a dove in the parliament's debating chamber as he called for peace in Europe and the world pic.twitter.com/itShHouOyK
— Reuters (@Reuters) April 24, 2024
Eurodeputeti sllovak, i cili kryeson Partinë Patriotike të Sllovakisë së krahut të djathtë, argumentoi se lëvizja e tij ishte një thirrje për paqen në botë.
“Uroj që e gjithë bota, rusët dhe ukrainasit, të kenë paqe. Do të doja ta lëshoja këtë pëllumb si simbol të paqes, për të simbolizuar se Europa ka nevojë për paqe. Ky pëllumb le të bëhet simbol i unitetit”, tha Radachovski.
Lëvizja e eurodeputetit sllovak, megjithatë, shkaktoi një reagim nga Caroline Rouge, duke akuzuar Radacovskin për përdorimin e një shpendi të gjallë kundër rregullave të Parlamentit Europian.
“Është një veprim krejtësisht i papranueshëm”, tha eurodeputetja franceze, ndërsa një tjetër anëtar i Parlamentit Evropian e pyeti me ironi Radachowski-n: “tani a mund ta kapësh?”.
“Shpresojmë që pëllumbi të jetë mirë”, tha zëvendëspresidenti i Parlamentit Evropian Jean-Christophe Ottien, i cili njoftoi se incidenti do t’i raportohej presidentes Roberta Metzola.
/abcnews.al
