Partia kryesore opozitare e Kongresit të Indisë ka paraqitur një ankesë në Komisionin Zgjedhor të vendit duke akuzuar kryeministrin nacionalist hindu Narendra Modi për “shënjestrim të hapur” të pakicave myslimane në një fjalim fushate.
Në ankesën e saj drejtuar Komisionit Zgjedhor të hënën, partia e Kongresit tha se komentet “përçarëse, kundërshtuese dhe dashakeqe” kishin në shënjestër “një komunitet të caktuar fetar” dhe përbënin “shkelje të hapur dhe të drejtpërdrejtë të ligjeve zgjedhore”.
Modi, i cili po kërkon një mandat të rrallë të tretë radhazi, iu referua muslimanëve si “të infiltruar” dhe “prodhues të foshnjave” gjatë një fjalimi të fushatës të dielën, duke tërhequr kritika të gjera nga grupet e opozitës dhe grupet e të drejtave të njeriut.
Ai tha se nëse kongresi fiton “do të shpërndahet mes atyre që kanë më shumë fëmijë [myslimanëve]. Do t’u shpërndahet të infiltruarve.”
“A mendoni se paratë tuaja të fituara me vështirësi duhet t’u jepen të infiltruarve? A do ta pranonit këtë?” Kritikët thanë se frazat ishin referenca për myslimanët.
