Adoleshentja bie nga dritarja e hotelit në Gjermani, ndërron jetë në spital

Një adoleshente ra nga dritarja e një hoteli në qytetin gjerman të Dyseldorfit, por nuk mundi t’u mbijetojë plagëve të marra. Vajza po qëndronte në hotel me nënën e saj, sipas policisë gjermane.

Policia ka përjashtuar mundësinë e vetëvrasjes, duke e cilësuar incidentin si një “aksident tragjik” të ndodhur të shtunën. Policia ka nisur një hetim për incidentin, tha një zëdhënëse për agjencinë gjermane të lajmeve dpa.

Celulari i vajzës është marrë nga policia për ekzaminim. Nëna nuk ishte me vajzën e saj në momentin e ngjarjes, sipas dpa./abcnews.al