Loading ...
Ministri i Jashtëm izraelit Israel Katz tha të mërkurën se Izraeli do të përgjigjet nëse Irani sulmon Izraelin nga toka e tij.
“Nëse Irani sulmon nga territori i tij, Izraeli do të përgjigjet dhe do të sulmojë në Iran”, tha Katz në një postim në platformën e mediave sociale X.
Kërcënimi vjen pasi udhëheqësi suprem i Iranit, Ayatollah Ali Khamenei, tha të mërkurën se Izraeli duhet të ndëshkohet dhe do të ndëshkohet për sulmin ndaj kompleksit të ambasadës iraniane në Siri.
Në një përshkallëzim të madh të luftës së Izraelit me kundërshtarët rajonalë, avionët luftarakë izraelitë bombarduan konsullatën e Iranit në kryeqytetin sirian më 1 prill në një sulm që Irani tha se vrau shtatë këshilltarë ushtarakë.
Rreth 33,360 palestinezë janë vrarë në gjashtë muajt e bombardimeve izraelite të Gazës. Sulmi i Hamasit në 7 tetor në Izrael shkaktoi 1200 viktima, sipas të dhënave izraelite.
/abcnews.al
