Italia do të mbajë të hapura linjat e saj të komunikimit me Rusinë, pavarësisht nga lufta e vazhdueshme në Ukrainë, tha ministri i mbrojtjes i vendit.
“Megjithëse Federata Ruse ka pushtuar një vend sovran, dhe për këtë arsye Italia dhe Franca gjithmonë mbështesin dhe do të mbështesin Ukrainën, është e rëndësishme që kanalet e konfrontimit dhe dialogut të mbahen të hapura gjithashtu,” tha në një deklaratë Guido Crosetto. Kujtojmë se të mërkurën, ministri francez i forcave të armatosura Sebastien Lecornu pati një bisedë telefonike me Sergei Shoigu të Rusisë, e para që nga tetori 2022.
Gjatë rrjedhës së thirrjes, Franca dënoi “luftën e agresionit” të Rusisë në Ukrainë, por Parisi më vonë u detyrua të mohonte pretendimet ruse se shprehu gatishmërinë për të zhvilluar dialog mbi Ukrainën ose për të diskutuar negociatat e mundshme të paqes.
