Luka Modric tashmë e ka të qartë se nuk është më një titullar te Real Madrid dhe as një nga pikat kyçe të Ancelottit. Edhe pse ka oferta të tjera, lojtari nuk e përjashton mundësinë e varjes së këpucëve në gozhdë.
Të dielën, historia u përsërit. Ashtu si shumë herë të tjera në këtë sezon, kroati u la jashtë formacionit titullar dhe iu deshte të priste deri në fund të sfidës për të grumbulluar vetëm 9 minuta lojë.
Logjikisht, lojtari nuk është aspak i kënaqur me situatën që po përjeton. Verën e kaluar, Ancelotti premtoi se do të mbështetej te Modric pavarësisht moshës, por duket se trajneri italian nuk e ka mbajtur këtë premtim. Për momentin, ballkanasi ka startuar vetëm 12 ndeshje në La Liga.
Edhe pse ai nuk i ka komunikuar ende planet e tij, Modric supozon se , duke pasur parasysh rolin e tij, klubi nuk do t’i ofrojë atij një rinovim dhe se, për këtë arsye, ai do të duhet të largohet nga Bernabeu në fund të sezonit. Duke qenë se familja e tij ndihet shumë rehat në kryeqytetin e Spanjës, futbollisti nuk përjashton të shmangë propozimet e shumta jashtë vendit dhe t’i japë fund karrierës së tij të gjatë dhe të suksesshme./h.ll/abcnews.al
