Shpërthen makina në pronësi të shqiptarit në Berlin, pjesët “fluturojnë” 30 metër larg

Një automjet fuoristradë, në pronësi të një shqiptari, ka shpërthyer në parkingun e një dyqani në Berlin.

Sipas mediave, banorët dëgjuan një shpërthim të fortë mbrëmjen e së enjtes në Wilhelmstadt, dhe disa pjesë të automjetit ‘fluturuan’ deri në 30 metra larg. Nuk u raportua për persona të lënduar.

Policia tha se nuk ka gjasa që shpërthimi të ketë ndodhur si pasojë e një defekti teknik por ende nuk ka një pistë konkrete mbi hetimet. Automjeti u sekuestrua mënyrë që hetuesit të mund të vlerësojnë provat e mëtejshme./abcnews.al