Forcat e Mbrojtjes të Izraelit (IDF) pretendojnë sse goditën “dy infrastruktura ushtarake të Hezbollahut në frontin sirian” të martën, duke shtuar në një postim në Telegram se sulmi ishte “kryer bazuar në inteligjencën e saktë që inkriminonte infrastrukturën”.
“IDF mban përgjegjësinë e regjimit sirian për të gjitha aktivitetet që zhvillohen brenda territorit të saj dhe nuk do të lejojë asnjë përpjekje për veprim që mund të çojë në vendosjen e Hezbollahut në frontin sirian”, thuhet në deklaratë.
IDF postoi gjithashtu një video që pretendonte të tregonte sulmin në “infrastrukturat e Ushtrisë Siriane” të përdorura nga Hezbollahu. Videoja duket se është marrë nga një dron me pamje nga një kompleks dhe tregon një shpërthim në kompleks, i ndjekur nga shtëllunga të zeza tymi.
Hezbollahu dhe qeveria siriane ende nuk e kanë komentuar publikisht pretendimin e IDF.
