Zinedine Zidane ishte sot në konferencë për shtyp para sfidës kundër Leganes, që luhet nesër në “Santiago Bernabeu”. Trajneri francez iu është përgjigjur plot 11 pyetjeve për Gareth Bale, që ishte kryefjala e kësaj konference.
“Shumë fjalë janë thënë për Bale, por të jeni të sigurt që ne kemi një marrëdhënie shumë të mirë me të. Pse udhëtoi drejt Londrës? Kishte disa probleme personale, asgjë në lidhje me klubin. Mori leje dhe gjithçka është në rregull. Ai nuk ka folur asnjëherë në lidhje me një largim nga Real Madrid.
Ai është i lumtur këtu dhe ne jemi të lumtur me të. Çdo futbollist ka të drejtat e tij dhe bordi i Real Madrid e kontrollon shumë mirë skuadrën. Gjithçka bëhet me miratim dhe Bale nuk ka shkelur asnjë rregull. Në sfidat që nuk ka luajtur, Bale nuk ka qenë në gjendje optimale. Nuk ka asnjë arsye tjetër. Kur ai është në 100% të formës fizike, padiskutim që do të luajë”, tha mes të tjerash strategu i Realit./abcnews.al
