Forcat izraelite shënjestruan një kamion në Siri sot, duke vrarë dy anëtarë të organizatës pro-iraniane libaneze Hezbollah, tha Observatori Sirian për të Drejtat e Njeriut.
Sulmi ndodhi pranë kufirit sirian-libanez dhe ishte i 16-ti në Siri këtë vit. Më herët gjatë ditës së sotme, Hezbollah njoftoi se dy nga luftëtarët e tij ishin vrarë pa specifikuar se ku dhe kur.
Izraeli kërkon të parandalojë Iranin dhe milicitë aleate të tij nga zgjerimi i ndikimit të tyre ushtarak në Siri.
Sulmet izraelite janë shtuar që nga fillimi i luftës në Gaza në tetor.
/abcnews.al
