Hungaria, vendi i fundit anëtar i NATO-s që nuk ka ratifikuar anëtarësimin e Suedisë në aleancë, pritet të votojë në parlament të hënën, sipas një kërkese të bërë sot nga partia në pushtet.
“I kërkoj presidentit të Kuvendit të përfshijë në agjendën e mbledhjes së 26 shkurtit votimin përfundimtar për protokollin e anëtarësimit të Suedisë në traktatin e aleancës Atlantike, të cilin ne synojmë ta mbështesim”, tha kryetari i grupit parlamentar në një postim në Facebook të partisë Fidesz, Mate Kocsis.
Në Stokholm, ministri suedez i mbrojtjes Pal Jonsson tha se e mirëpret lajmin.
“Sigurisht që ne e mirëpresim këtë,” tha ai në një konferencë për shtyp, duke iu referuar njoftimit të grupit parlamentar hungarez Fidesz.
/abcnews.al
