Franca po forcon praninë e saj ushtarake në Lindjen e Mesme, me dërgimin e një anijeje të tretë ushtarake në rajon, e cila do të kryejë, siç njoftoi Shtabi i Përgjithshëm francez, misionet e “sigurisë detare”.
Është fregata L’Alsace e cila do të marrë pjesë në iniciativat që zhvillohen për të kundërshtuar sulmet ndaj anijeve tregtare, siç është iniciativa “Prosperity Guardian” e udhëhequr nga SHBA në Detin e Kuq, tha një zëdhënës i stafit francez gjatë një konferencë për shtyp.
Ai tha se Alsace “kaloi Kanalin e Suezit javën e kaluar për të mbërritur në Detin e Kuq”, ndërsa fregata La Languedoc, e cila ka rrëzuar disa dronë të nisur nga Houthis që nga dhjetori, tani do të patrullojë Gjirin e Adenit.
Rikujtojmë se në këtë në zonë ndodhet edhe një anije e madhe furnizimi franceze, Jacques Chevallier.
Ndërsa për shkak të sulmeve Houthi, sipas ekspertëve të anijeve, trafiku i kontejnerëve është ulur me 70% në rajon.
/abcnews.al
