Turqia mund të kryejë më shumë operacione ndërkufitare në Irak dhe Siri nëse është e nevojshme pas vdekjes së nëntë ushtarëve turq javën e kaluar në veri të Irakut, tha sot një zyrtar i Ministrisë së Mbrojtjes turke.
Nëntë ushtarët turk u vranë në përleshjet me luftëtarët e Partisë së jashtëligjshme të Punëtorëve të Kurdistanit (PKK). Më pas Ankaraja kreu sulme ajrore dhe operacione të tjera në Irakun verior dhe Sirinë veriore.
Breaking news | Turkish planes bombed with five missiles for the second time within 24 hours the Suwaydiya gas station in the countryside of Derik in the far north-east of Syria. pic.twitter.com/pgD3F1Uu8s
— Ivan Hassib (@Ivan_Hassib) January 15, 2024
Bazuar në ligjin ndërkombëtar dhe vetëmbrojtje, Turqia ka çdo të drejtë të kryejë operacione për të siguruar kufijtë e saj. Forcat e armatosura turke kanë bërë dhe do të bëjnë gjithçka që është e nevojshme, kudo dhe kurdo që të jetë e nevojshme”, tha zyrtari i Ministrisë së Mbrojtjes.
Përleshjet ndodhën në rajonin Zap të Irakut verior kur militantët e PKK sulmuan një pozicion sigurie të forcave të armatosura turke. Turqia që nga viti 2019 ka kryer një sërë operacionesh ndërkufitare në Irakun verior kundër PKK-së.
Më 12 janar, anëtarët e PKK-së nisën sulme ndaj bazave turke në Irakun verior dhe të gjitha sulmet përveç njërit u penguan nga trupat turke, tha zyrtari. Turqia ka kryer gjithashtu bastisje ushtarake në veri të Sirisë kundër milicisë kurde YPG, të cilën ajo e konsideron një krah të PKK.
Turqia mund të kryejë operacione të reja ndërkufitare në Irak dhe Siri dhe gjithashtu, nëse është e nevojshme, mund të zgjerojë zonat e saj të operacionit, shtoi zyrtari turk.
/abcnews.al
