Përdhunuesi Josef Fritzl mund të lirohet së shpejti nga burgu pasi një ekspert vendosi se ai nuk është më një rrezik për publikun, sipas mediave të huaja.
Fritzl, 88 vjeç, u dënua me burgim të përjetshëm në vitin 2009 pasi pranoi se e kishte mbajtur vajzën e tij Elisabeth të mbyllur në bodrumin e shtëpisë së familjes, si skllave të seksit për 24 vjet.
Gjatë përvojës së saj të frikshme në Amstetten, Austri, Elisabeta lindi shtatë fëmijë nga babai i saj. Mediat lokale raportuan se ai tani duket i hutuar, flet rregullisht me televizionin, mendon se është një yll i popit dhe flet për vizita nga të afërmit që nuk kanë ndodhur kurrë.
Por sipas kushteve të dënimit të tij, Frizl do të ketë të drejtë për lirim me kusht këtë vit pasi një raport i ri psikiatrik në gjendjen e tij mendore thotë se përbindëshi “nuk është më i rrezikshëm”.
Raporti thotë se ai mezi mund të ecë që do të thotë se ai nuk mund të përbëjë një kërcënim serioz.
Fritzl e joshi vajzën e tij në bodrum kur ajo ishte 18 vjeç. Gruaja e tij, Rosemarie, e denoncoi si të zhdukur, por Fritzl i dorëzoi policisë një letër nga Elisabeth, duke thënë se ajo thoshte se po qëndronte me një mik dhe nuk donte të gjendej.
Çështja Fritzl u shfaq në prill të vitit 2008 pasi Elisabeth i tha policisë se ishte mbajtur rob për 24 vjet kur u lejua të dilte nga qelia dhe u dërgua në spital. Megjithë krimet e tij të tmerrshme, nëse Fritzl-it i jepet lirimi me kusht, ai ka shumë të ngjarë të qëndrojë në një azil për të jetuar ditët e tij të fundit.
Heidi Kastner, një nga ekspertet kryesorë psikiatrikë ligjorë të Austrisë nga Universiteti i Linzit, thuhet se ka kaluar një vit duke e studiuar atë.
Ajo arriti në përfundimin se i burgosuri më famëkeq i vendit nuk përbën më asnjë rrezik dhe mund të transferohej përmes sistemit normal të burgut në burgun Krems-Stein, si pjesë e një hapi të parë drejt lirimit.
Ai tani mund të lëvizë vetëm me ndihmën e një karroce dhe nuk ka më asnjë rrezik që ai të kryejë ndonjë aktivitet kriminal.
/abcnews.al
