Legjenda e futbollit brazilian, Mario Zagallo ka ndërruar jetë në moshën 92 vjeçare. Lajmi është bërë i ditur përmes një postimi në llogarinë e tij zyrtare në Instagram. Zagallo, i vetmi person që fitoi katër tituj kampion bote fillimisht si lojtar dhe më pas si trajner i Brazilit, vdiq të premten, raportojnë mediat e huaja.
“Me pikëllim të madh ju njoftojmë për vdekjen e kampionit tonë të përjetshëm katër herë të botës, Mário Jorge Lobo Zagallo”, thuhet në një deklaratë të shkurtër të publikuar në rrjetin social. I mbiquajtur ‘Profesor’, Zagallo luajti gjithashtu një rol kyç në katër nga pesë titujt botërorë të fituar nga Seleçao.
Si lojtar ai fitoi dy trofe: në 1958 në Suedi dhe në 1962 në Kili. Si trajner më pas udhëhoqi kombëtaren e Brazilit drejt titullit suprem në 1970 në Meksikë dhe ishte ndihmës trajner gjatë kurorëzimit të vitit 1994 në Shtetet e Bashkuara. Ai u bë sërish trajner në vitin 1998, kur Brazili i Ronaldos humbi 3-0 në Stade de France kundër Bluve të kapitenit Didier Deschamps.
Vetëm gjermani legjendar Franz Beckenbauer (1974 si lojtar dhe 1990 si trajner) dhe Deschamps, pas kurorëzimit të Bluve në Rusi në 2018, arritën ta imitonin.
/abcnews.al
