Mediat Ndërkombëtare vijojnë ti bëjnë jehonë destinacioneve turistike të Shqipërisë duke përfshirë qytete të ndryshme të vendit tone si zgjedhjet më të mira për vitin 2024.
CNN, media Prestigjioze Amerikane ka renditur Shqipërinë në mesin e 10 vendeve që duhet të vizitohen përgjatë këtij viti.
Në këtë artikull theksohet se është e habitshme sesi plazhet e kristalta të vendit tone nuk ishin aq popullore më pare për turistët e huaj.
Çmimet e arsyeshme renditen si faktori kryesor që tërhoqi 10 milionë turistë të huaj përgjatë 2023 , kryesisht italianët ishin ata që u dyndën drejt Adriatikut për të shijuar plazhet shqiptare.
CNN shkruan se turistët e huaj që do të vizitojnë Shqipërinë do të shtohen edhe me hapjen e aeroporti të ri të Vlorës, që do t’iu ofrojë pushuesve mundësinë për të mbërritur menjëherë në bregdet.
Përtej plazheve mahnitëse, media amerikane shkruan se Shqipëria ka shumë më shumë se kaq, duke përfshirë kulturën e pasur, historinë fetare dhe sugjeron që njerëzit në të gjithë botën të vizitojnë Beratin, Gjirokastrën dhe Thethin.
CNN sugjeron si një destinacion që duhet të vizitohet patjetër në vendin tone edhe lumin Vjosa, që u shpall park kombëtar përgjatë vitit të shkuar.
