Rusia nuk dëshiron të izolohet nga SHBA-ja dhe Europa, dhe vendet perëndimore nuk duhet të shpresojnë se Rusia do të mposhtet.
Kështu ka deklaruar presidenti rus Vladimir Putin, duke folur në inaugurimin e një autostrade të re midis Moskës dhe Kazanit. Shtetet e Bashkuara dhe vendet evropiane duhet të “mendojnë për interesat e tyre”, shtoi presidenti.
Putin i kërkoi Perëndimit të rifillojë bashkëpunimin ekonomik dhe tregtar me Moskën.
“Ne nuk jemi mbyllur për kontinentin amerikan, dhe as për vendet europiane. Është koha që ata heqin dorë dhe mos të shpresojnë që ne do të rrëzohemi. Kushdo që dëshiron të përfitojë nga bashkëpunimi me Rusinë është i mirëpritur sepse ne nuk e largojmë askënd.
Shtetet duhet të mendojnë për interesat e tyre dhe për interesat e popullit të tyre”, përfundoi ai.
/abcnews.al
