Izraeli ka përsëritur thirrjen për Komitetin Ndërkombëtar të Kryqit të Kuq (KNKK) për të vizituar pengjet izraelitë në Gaza, duke këmbëngulur që organizata humanitare “të punojë në të gjitha kanalet” për të fituar akses.
Ministri i Jashtëm i Izraelit, Eli Cohen e bëri këtë kërkesë përsëri të enjten gjatë një takimi me presidenten e KNKK Mirjana Spoljaric, pas udhëtimit të saj të fundit në Gaza.
Cohen i tha Spoljaric se vizita e pengjeve duhet të jetë “misioni numër një i Kryqit të Kuq” gjatë një takimi të zhvilluar me ministrin e shëndetësisë së Izraelit dhe përfaqësuesit e familjeve të pengjeve.
“Për 67 ditë Kryqi i Kuq ka dështuar në misionin e tij për të arritur pengjet, për t’u dorëzuar dëshmitë e jetës, për të kontrolluar gjendjen e tyre dhe për t’u dërguar ilaçe dhe çdo ditë që kalon është një tjetër dështim i Kryqit të Kuq,” tha Cohen./abcnews.al
