Në orën 21:15, skuadra e Aston Villa do të presë në “Villa Park”, “Qytetarët” e Manchester City, në përballjen e vlefshme për javën e 15-të të kampionatit anglez të futbollit, Premier League, ku padyshim pritet një përplasje tejet e luftuar.
Sa i përket formacionit, tekniku i vendasve, Unai Emery i ka rreshtuar djemtë e tij, me formulën 4-4-2, ku në poërt është vendosur kampioni i botës, Emiliano Martinez. Në krahët e mbrojtjes janë Digne e Konsa, me qendrën që plotësohet nga Diego Carlos e Pau Torres. Në mesfushë vijnë nga krahët Teielemans e McGinn, ndërsa “bërthama” plotësohet nga Douglas Luiz e Kamara. Ndërkaq, dyshja e sulmit plotësohet nga Leon Bailey e Ollie Watkins.
Në krahun tjetër, tekniku Pep Guardiola i ka hedhur “Qytetarët” e tij, në fushën e blertë, me formacionin 3-2-4-1, ku në portë nuk ka sesi të mungojë braziliani Ederson e para tij në mbrojtje Gvardiol, Ruben Dias e Kyle Walker. Para mbrojtjes janë Akanji e John Stones, ndërsa Foden, Alvarez, Lewis e Bernardo Silva janë vendosur pas “bomberit”, Erling Haaland. /i.m /abcnews.al
Formacionet zyrtare:
