Austria do të kryejë kontrolle në kufirin me Sllovakinë për aq kohë sa të jetë e nevojshme, tha sot ministri austriak i Brendshëm Gerhard Karner pas një takimi me homologun e tij sllovak Matus Sutaj-Estok në Vjenë.
Sutaj-Estok shtoi se Sllovakia është e gatshme të mbrojë kufirin dhe falënderoi kolegun e tij austriak për kryerjen e kontrolleve kufitare.
Karner tha se kontrollet kufitare duhet të vazhdojnë në formën e tyre aktuale në mënyrë që të mos ndërlikojnë jetën e njerëzve që udhëtojnë për të punuar përtej kufirit.
/abcnews.al
