Loading ...
Presidenti rus Vladimir Putin ka deklaruar se Rusia ka rënë dakord të lirojë një shtetas amerikan, i cili ishte burgosur nën akuzën se kishte luftuar në krah të Ukrainës, raportojnë mediat shtetërore ruse.
Sipas Putinit, Stephen Hubbard është dërguar në aeroportin Pulkovo, gjatë bisedimeve me të dërguarin amerikan Steve Witkoff në Shën Petersburg.
Hubbard, me origjinë nga shteti i Miçiganit, ishte 72 vjeç kur u dënua në vitin 2024 me gati shtatë vjet burg në një koloni penale.
Prokurorët rusë pretenduan se ai shërbente në një njësi mbrojtjeje me bazë në qytetin Izyum, në lindje të Ukrainës, kur u kap nga forcat ruse dy vjet më parë.
