Deputeti socialist, Arben Pëllumbi, gjatë intervistës për emisionin “Real Story” në ABC News, u pyet nga gazetari Sokol Balla nëse dalja e Shqipërisë nga zona gri erdhi nga tërheqja e ligjit për amnistinë fiskale.
“Dalja nga zona gri erdhi sepse na u lanë 40 pika dhe detyra për të ndryshuar ligje dhe procedura. U plotësuan që dolëm nga zona gri. Nuk ka lidhje me amnistinë fiskale. Në parim nuk jemi tërhequr. Nen për nen do ta shikojmë“, u shpreh deputeti Pëllumbi.
Ndërkohë, deputetja demokrate Oriola Pampuri, teksa u pyet nëse do të jetë kundër vota e PD-së për buxhetin, tha: “PD nuk ka ende shansin të bëjë debatin në Kuvend për këtë buxhet. Është një grupim në unison me maxhorancën, këta miratojnë projekt ligje, pjesa tjetër ndez flakadanët.“/abcnews.al
