Një zjarr ka përfshirë një sipërfaqe të pikës së grumbullimit të skrapit në zonën e ish Metalurgjikut në Elbasan.
Gazetarja e ABC News, Edisona Skënderi raporton se zjarri është lokalizuar nga forcat zjarrfikëse.
“Vetëm pak minuta më parë ka pasur një incident në aty pikë ku derdhen vajrat pranë pikës së grumbullimit të skrapit në zonën e ish Metalurgjikut të Elbasanit, nga ky ka nisur zjarri që mori përmasa të mëdha. Nuk dihen saktësisht ende shkaku që çoi në zjarrvënie, por dyshohet paraprakisht se incidenti, aty ku derdhjen vajrat, mbetet shkaku kryesor, të paktën deri më tani. Forcat zjarrfikëse janë duke punuar në vendgrumbullimin e skrapit, për të vendosur në kontroll situatën.
Deri më tani nuk paraqet rrezik për bizneset këtu afër. Ka ndërtesa që janë funksionale që shërbejnë për biznese të ndryshme. Nuk është bërë evakuim, sipërfaqja në të cilë ka rënë zjarri është e madhe, nuk është vlerësuar e rrezikshme për përhapjen e flakëve, nisur nga prononcimi që kemi marrë nga shefi izjarrfikses së Elbasanit, situata paraqitet nën kontroll. Janë evakuar punonjësit e në pikën e grumbullimit të skrapit”, raportoi gazetarja Skënderi.
