Në një ndërhyrje të rrallë të politikës së jashtme, Barack Obama paralajmëroi Izraelin se rrethimi dhe bombardimi i Gazës pas sulmeve vdekjeprurëse të 7 tetorit nga Hamasi mund të rezultojë kundër tij dhe të minojë përpjekjet e viteve për paqen dhe stabilitetin në rajon.
Në fillim të artikullit të tij, ku rendit mendimet e tij mbi strategjinë e Izraelit për neutralizimin e kërcënimit të Hamasit dhe përpjekjeve diplomatike të SHBA-së në rajon, ish-presidenti amerikan vëren se Joe Biden kishte të drejtë që deklaroi solidaritetin e SHBA-së ndaj Izraelit.
“Unë e mbështes plotësisht thirrjen e Presidentit Biden për Shtetet e Bashkuara që të mbështesin aleatin tonë të gjatë në shkatërrimin e aftësive ushtarake të Hamasit”, shkroi Obama.
Obama thekson se udhëheqja e Hamasit “duket se fshihet qëllimisht mes civilëve, duke rrezikuar në këtë mënyrë vetë njerëzit që pretendon se përfaqëson”, por thekson se Izraeli duhet të bëjë gjithçka që mundet për të shmangur lëndimin e civilëve palestinezë.
“Bota po vëzhgon nga afër zhvillimet në rajon dhe çdo strategji ushtarake izraelite që injoron koston njerëzore në fund mund të dështojë”, thekson ai.
/abcnews.al
