Pentagoni raportohet se ka dërguar një gjeneral të Korpusit të Marinës, i cili është ekspert në luftërat urbane në Izrael përpara sulmit të pritshëm tokësor.
Agjencia e lajmeve Reuters tha se gjenerali James Glynn, i cili ndihmoi në udhëheqjen e forcave speciale kundër Shtetit Islamik dhe shërbeu në Falluxha në Irak, do të këshillojë se si të mbahen viktimat civile në minimum, shkruan Sky News.
Gjenerali dhe oficerët e tjerë amerikanë që këshillojnë Izraelin “kanë përvojë që është e përshtatshme për llojet e operacioneve që Izraeli po kryen”, tha të hënën zëdhënësi i Këshillit të Sigurisë Kombëtare të SHBA, John Kirby.
Izraeli ka grumbulluar trupa dhe tanke në kufi që nga sulmi terrorist i Hamasit, por është nën presionin ndërkombëtar për të bërë gjithçka që mundet për të zbutur vdekjet e civilëve kur të nisë ofensivën e pritshme./abcnews.al
