Transport heroine me taksi, arrestohet 48 vjeçarja shqiptare në Selanik

Një 48 vjeçare shqiptare është arrestuar nga policia greke në Selanik duke transportuar heroinë. Ajo është ndaluar nga policia teksa udhëtonte si pasagjere në sediljen e pasme të taksisë që drejtohej nga një 28 vjeçar grek.

Gjatë kontrollit, shqiptares iu gjetën dhe sekuestruan 4 pako me 1 kg 980 gram heroinë. Policia arrestoi edhe drejtuesin e taksisë pasi tentoi t’i largohej policisë ndërkohë që në portën e automjetit iu gjet dhe sekuestrua një cigare me “cannabis sativa”.

Policia greke sekuestroi edhe 3 celularë dhe 590 euro./abcnews.al