Xabi Alonso në një intervistë të fundit ka folur me elozhe për ish-trajnerin e tij tek Reali Madridit, Jose Mourinho. Ai kujton kohën e tij tek madrilenët ku në drejtimin e Mou-t arritën 3 herë në gjysmëfinalet e Championsit.
“Jose i kishte të gjitha. Kur erdhi tek ne sapo kishte fituar tripletën me Interin. Ne e shikonim atë si një lider dhe ai ashtu ishte si në pankinë po ashtu dhe në dhomat e zhveshjeve. Ne i besonim ideve të tij deri në fund, mësonim çdo ditë diçka të re”-tregon spanjolli.
“Pengu im është që nuk arritëm ta fitonim Championsin me Mourinho-n. Më kujtohet shumë mirë ajo humbje në gjysmëfinale me penallti ndaj Bayernit në Bernabeu por, në atë fazë të kompeticionit janë këto detaje që bëjnë diferencën. Ka qënë një nga netët më të vështira për mua në Madrid”- mbyll Xabi. /abcnews.al
