Ish-mesfushori i Interit, Juventusit dhe Milanit, Andrea Pirlo, ka folur për kampionatin italian deri më tani. Ai ka ndarë mendimet e tij për zikaltërit e Antonio Contes, pas humbjes së këtyre të fundit në Derby D’Italia kundër Juventusit. “Ata po ndërtojnë një projekt interesant dhe me kalimin e kohës, vizioni i Antonio Conte do të ketë sukses”, tha Pirlo në një intervistë për ‘Gazzetta dello Sport’.
Gjithashtu, Pirlo foli edhe për mbarëvajtjen e kampionatit italian deri më tani. Për Serie A, ish-mesfushori legjendar tha: ”Lajmi më i mirë i këtij sezoni deri më tani, është se niveli i futbollit italian në përgjithësi është rritur. Kualiteti është shtuar, si dhe lojtarët e njohur. Një e ardhme e ndritur na pret”, përfundoi Pirlo./abcnews.al
