Hamasi është gati të bëjë një luftë të gjatë me Izraelin dhe do të përdorë dhjetëra pengjet e mbajtura në Gaza për të siguruar lirimin e palestinezëve të mbajtur në Izrael dhe jashtë saj, tha një zyrtar i grupit militant. Ali Barakeh, një anëtar i udhëheqjes së grupit, tha se Hamasi ka një arsenal raketash afatgjatë.
“Ne jemi përgatitur mirë për këtë luftë dhe për t’u përballur me të gjithë skenarët, duke përfshirë një luftë të gjatë,” tha Barakeh, duke shtuar se Hamasi do të përdorë pengjet për të siguruar lirimin e njerëzve të mbajtur në burgjet izraelite dhe madje edhe të disa palestinezëve të burgosur në SHBA.
Barakeh shpjegoi se vetëm një numër i vogël komandantësh të lartë brenda Gazës dinin për inkursionin e së shtunës në Izrael dhe se edhe aleatët më të afërt të grupit nuk ishin informuar para kohe. Ai mohoi raportet se zyrtarët iranianë të sigurisë ndihmuan në planifikimin e sulmit ndaj Izraelit.
Megjithatë, ai shtoi se aleatët si Irani dhe Hezbollahu libanez “do t’i bashkohen luftës nëse Gaza i nënshtrohet një lufte asgjësimi”. Barakeh tha se edhe vetë Hamasi ishte i tronditur nga shkalla e operacionit të tij, duke thënë se priste që Izraeli të parandalonte ose kufizonte sulmin.
“Ne ishim të befasuar nga ky kolaps i madh, po planifikonim të merrnim disa rezultate dhe të merrnim të burgosur për t’i shkëmbyer.”, tha ai. /abcnews.al
