Bashkimi Europian duhet të fillojë një valë të madhe ndryshimesh për t’u përgatitur për anëtarësimin e Ukrainës si shtet anëtar, sipas një deklaratë të Roberta Metsola.
Duke folur ekskluzivisht për “The Guardian“, Roberta Metsola, një eurodeputete nga Malta e cila u bë presidentja më e re e parlamentit europian vitin e kaluar, tha se ajo priste që shtetet anëtare të fillonin negociatat zyrtare me Ukrainën në dhjetor.
Metsola ishte liderja e parë politike që vizitoi Ukrainën pas pushtimit të Rusisë, duke takuar presidentin e vendit, Presidentin Zelensky, në Kiev më 1 prill 2022, kur kryeqyteti ishte ende nën shtetrrethim dhe i rrethuar me tanke.
Imazhet e atij takimi ajo i ka bërë simbol të presidencës së saj: një poster i çiftit me ngjyrë të gjelbër ushtarake, duke shtrënguar duart, është varur në kuvend.
Duke sfiduar kujdesin dhe antagonizmin e drejtpërdrejtë nga disa shtete anëtare, ajo i ka dhënë mbështetje të qartë përpjekjes së Ukrainës për t’u bashkuar me BE, një proces i cili ka avancuar edhe pse përpjekjet e vendit për t’u bashkuar me NATO-n kanë ngecur.
Metsola dëshiron që bisedimet zyrtare të fillojnë përpara Krishtlindjeve. Vendimi i takon ministrave të BE-së, të cilët do të takohen zyrtarisht në dhjetor pas një raporti publik në tetor mbi përparimin e Ukrainës në reformimin e gjyqësorit, frenimin e korrupsionit dhe hapjen e tregjeve të saj.
Ukraina kishte një popullsi prej 44 milion banorësh para shpërthimit të luftës, ka një sektor të madh bujqësor dhe dëmet e luftës vlerësohen në 411 miliardë dollarë.
/abcnews.al
